Өзбекистан русийиниң қирғизистанниң җәнубида һәрбий база қурушиға қарши чиқти

Өзбекистан һөкүмити русийиниң қирғизистанниң җәнубида һәрбий база қурушиға нарази болмақта. Франсийә ахбаратиниң бу һәқтә өзбекистан һөкүмәт баянатчиси җаһанниң дүшәнбә бәргән баянатидин нәқил елишичә, русийиниң қирғизистанниң җәнубида һәрбий база қурушиниң зөрүрийити йоқ, мәзкур базиниң қурулуши район бихәтәрликигә тәһдит һәм милләтләр арисида тоқунуш пәйда қилиши мумкин.
Мухбиримиз гүлчеһрә
2009-08-04
Share

Мушу айниң 1 - күни иссиқ көл бойида өткүзүлгән оттура асия мустәқил дөләтләр коллектип бихәтәрлик келишими тәшкилатиға әза дөләтләрниң башлиқлириниң ғәйри рәсмий йиғини җәрянида қирғизистан президенти қурманбек бақийеф билән русийә президенти дмитрий медведев икки дөләт арисидики һәрбий һәмкарлиқ һәққидә сөһбәтлишип, қирғизистанда русийә һәрбий базиси қурушқа мунасивәтлик келишимниң асаси һесаблинидиған әсләтмигә қол қойған.

Америка авази радиоси өзбекчә хәвиридә көрситишичә, өзбекистанниң қошниси қирғизистан һәм таҗикистанлар билән болған мунасивәтлиридә 1990 - йилдики өзбек ‏ - қирғиз урушидин буян соғуқлуқ мәвҗут, иссиқ көлдики сөһбәттә бақийеф өзбекистан рәһбири кәримоф биләнму икки дөләт һәмкарлиқлири һәққидә һәмсөһбәттә болғанлиқи мәлум.

Қирғизистанниң җәнубидики ош қатарлиқ җайларни өз ичигә алған мәлум бир орунда һәрбий қошунларни чениқтуруш мәркизи нами астида русийиниң иккинчи һәрбий базиси ечилиши мумкинлики пәрәз қилинмақта иди.

Нөвәттә, бишкәкниң йенидики қәнт районида русийә һава армийә базиси мәвҗут, русийә иккинчи һәрбий база ачидиған пәрғанә вадиси истратегийә җәһәттин интайин муһим болуп, уйғур ели, өзбекистан, таҗикистан, қирғизистан қатарлиқ мәркизий асия районлирини бағлайдиған бәлвағдур.

Һазирчә, русийә тәрәпниң өзбекистанниң бу наразилиқ баянатиға қандақ инкас қайтурғанлиқи намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт