ئۆزبېك دائىرىلىرى بۇ يىلنىڭ بېشىدا ئۆزبېك كىشىلىك ھوقۇق پائالىيەتچىسى غەيبۇللا جەلىلوۋنى "دىنىي ئەسەبىيلىك" جىنايىتى بىلەن ئەيىبلەپ، 9 يىللىق قاماق جازاسىغا ھۆكۈم قىلغان. مەلۇم بولۇشىچە، ئۆزبېك دائىرىلىرى ئوتكەن ھەپتە جەلىلوۋنىڭ جازا مۇددىتىنى يەنە 4 يىل ئۇزارتقان.
كىشىلىك ھوقۇقنى كۆزىتىش تەشكىلاتى جۈمە كۈنى بۇ ھەقتە ئېلان قىلغان باياناتىدا، جەلىلوۋقا ئارتىلغان جىنايەتنىڭ ئاساسسىز ئىكەنلىكىنى كۆرسەتتى.
ئۆزبېكىستان مۇستەقىل بولغاندىن كېيىن، خىتاي باشچىلىقىدىكى شاڭخەي ھەمكارلىق تەشكىلاتىغا ئەزا بولغان ۋە كىشىلىك ھوقۇق پائالىيەتچىلىرىگە قارىتىلغان باستۇرۇشنى كۈچەيتكەن ئىدى.