Бүгүн бейҗиңда үч адәм өзигә от қойди
Мухбиримиз вәли
2009.02.25
2009.02.25
Шинхуа агентлиқи бу вәқәни үч адәм өзини көйдүрди дәп хәвәр қилған. Әмма б б с ниң баян қилишичә, бейҗиң сақчи органлири, бу үч адәмни бейҗиңға кәлгән әрзийәтчи, улар кимлики гуманлиқ болған бир кичик машина, йәни папида билән тйәнәнмен мәйданиниң шәрқ бурҗикигә кәлгәндә, сақчилар тәрипидин тосувелинған һаман кичик машиниға өт туташқан, сақчилар икки адәмни қутқузувелип дохтурханиға елип барған, йәнә бир адәмни қутқузалмиған, дәп җакарлиған.
Хитайчә учур вастилириниң бүгүн бу вәқә тоғрисида елан қилған хәвәрлири һәрхил, бәзилири бу папидани шинҗаңниң номури бар папида, десә, бәзилири ичидә 3 шинҗаңлиқ олтурған папида, дегән. Йәнә бәзилири папиданиң ичидә олтурған үч киши тибәтлик дегән. Бәзилири һәтта бу папидидики кишиләрни оттура шәрқтики ғәззидә йүз бериватқан вәқәләргә мунасивәтлик кишиләр, дегән.