Хитайға нарази болуп өзини көйдүргән тибәтликниң сани 89 ға йәтти

Радиомиз тибәт бөлүминиң игилишичә, бүгүн пәйшәнбә 29-ноябир күни гәнсу өлкисидә хитай һөкүмитигә наразилиқини ипадилигән 31 яшлиқ сирин наҗе исимлик бир тибәтлик өзигә от қойған вә нәқ мәйданда өлгән.
Мухбиримиз меһрибан
2012-11-29
Елхәт
Пикир
Share
Принт

Түнүгүнму гәнсу өлкисидә 21 яшлиқ вандекар исимлик тибәт яш өзигә от қойған болуп, нәқ мәйдандин вәқәни көргүчиләрниң билдүрүшичә, бу иккийлән өзигә от қойғандин кейин тибәтләргә әркинлик дәп шоар товлиған.

Радиомиз тибәт бөлүминиң статистика қилишичә 29-ноябир пәйшәнбә күнигичә, хитай чеграси ичидики хитайға қарши наразилиқини ипадиләш үчүн өзигә от қоювалған тибәтликниң сани 89 ға йәткән.

Мәлум болушичә, өткән һәптә хитай даирилири тибәтләр олтурақлашқан районларда тибәтләрниң өзини көйдүрүш һәрикитини чәкләш үчүн җиддий тәдбирләр алған болсиму, әмма хитай һөкүмитиниң бастуруш сияситигә нарази болған тибәтликләрниң өзини көйдүрүш һәрикити барғанчә әвҗ алмақта.

Пикирләр (0)
Share
Толуқ бәт