Xitaygha narazi bolup özini köydürgen tibetlikning sani 89 gha yetti

Radi'omiz tibet bölümining igilishiche, bügün peyshenbe 29-noyabir küni gensu ölkiside xitay hökümitige naraziliqini ipadiligen 31 yashliq sirin najé isimlik bir tibetlik özige ot qoyghan we neq meydanda ölgen.
Muxbirimiz méhriban
2012-11-29
Élxet
Pikir
Share
Print

Tünügünmu gensu ölkiside 21 yashliq wandékar isimlik tibet yash özige ot qoyghan bolup, neq meydandin weqeni körgüchilerning bildürüshiche, bu ikkiylen özige ot qoyghandin kéyin tibetlerge erkinlik dep sho'ar towlighan.

Radi'omiz tibet bölümining statistika qilishiche 29-noyabir peyshenbe künigiche, xitay chégrasi ichidiki xitaygha qarshi naraziliqini ipadilesh üchün özige ot qoyuwalghan tibetlikning sani 89 gha yetken.

Melum bolushiche, ötken hepte xitay da'iriliri tibetler olturaqlashqan rayonlarda tibetlerning özini köydürüsh herikitini cheklesh üchün jiddiy tedbirler alghan bolsimu, emma xitay hökümitining basturush siyasitige narazi bolghan tibetliklerning özini köydürüsh herikiti barghanche ewj almaqta.

Toluq bet