Пакистан чаршәнбә күни узун мусапилик башқурулидиған бомба синақ қилди
Мухбиримиз вәли
2012.04.25
2012.04.25
Бу, һиндистанниң “агни 5” бәлгилик бәш миң километир мусапилик, бейҗиң, шаңхәйләрни қариға алидиған башқурулидиған бомба синиқиға қарита қайтурулған инкас болуп һесаблиниду.
Пакистан дөләт мудапиә министирлиқиниң тәһлилчиси, пенсийигә чиққан генерал талат мәсутниң ейтишичә, пакистан бүгүн синақ қилған “шаһин 1а” бәлгилик узун мусапилик башқурулидиған бомба атом оқ учи елип йүрәләйдиған, икки миң бәш йүз-үч миң километирлиқ мусапә ичидики нишанларға-пакистан билән һиндистан тоқунушидики һәр қандақ җайға зәрбә бәргили болидиған иқтидарға игә.
Һиндистан тәһлилчиси чакниң ейтишичә, һиндистанниң һазир, дуняда башқурулидиған бомбиға қарши мудапиә системисиғиму игә бир нәччә дөләтниң бири болуп қеливатқанлиқи бир пакит.