Пакистандики кәлкүн апитидә өлгәнләрниң сани 1100 дин ашти

Пакистанда йүз берип, бир қанчә күндин буян давамлишиватқан еғир кәлкун апитидә бир милйондин артуқ аһалә апәткә учриған болуп, кәлкүн апитидә өлгәнләрниң сани 1100 ға йәткән. Бирләшмә агентлиқиниң хәвәр қилишичә, кәлкүн апити һәйбәр - пактонкива өлкисидә әң еғир болған. Пәқәт сват районидила 14600 өй вә 22 мәктәп, су астида қалған.
Мухбиримиз үмидвар
2010.08.01

Апәт пәнҗаб өлкисидиму йүз бәргән. Кәлкүн, апәт йүз бәргән җайларниң сирт билән болған алақилирини үзүвәткән болуп, ярдәм йәткүзүш вә қутулдуруш ишлири қийинчилиққа дуч кәлгән. Пакистан һөкүмити җиддий һаләт елан қилған.

Ббс агентлиқиниң хәвәр қилишичә, пакистанниң ғәрбий җәнубида електир истансиси қуриватқан хитай ишчилириму кәлкүн апитигә учриған болуп, үч нәпәр хитай пуқрасиниң из - дерики болмиған. Пакистан тәрәп тик учар айропилан әвәтип, 270 нәччә нәпәр хитай ишчиси вә инҗенерини алди билән қутқузувалған.

Пакистандики мәзкур кәлкүн апити йеқинқи 80 йил ичидики бир қетимлиқ әң еғир апәт болуп һесаблинидикән.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.