B d t xelqara jama'etni pakistan'gha 460 milyon dollar yardem qilishqa chaqirdi

Birleshken döletler teshkilati bügün herqaysi döletlerni zor kelkün apitige uchrighan pakistan'gha 460 milyon dollar yardem qilishqa chaqirdi.
Muxbirimiz irade
2010.08.12
Share on WhatsApp
Share on WhatsApp

Teshkilatning jiddiy qutquzush komisyonining bashliqi jon holmis pakistanda hazir texminen 7 milyondin artuq kishi yémek - ichmek, turalghu, su we tibbiy buyumlargha jiddiy éhtiyajliq ikenlikini, eger waqtida yardem bérilmise ölüm weqelirining artishi mumkinlikini bildürdi.

Birleshme agéntliqining xewer qilishiche, hazirghiche bir qisim döletler 156 milyon dollar qimmitide yardem béridighanliqi heqqide wede bergen we bularning bir qismi kélishke bashlighan.

Amérika tik uchar ayropilanliri weqedin kéyin derhal rayondiki qutquzush xizmitige qatnashqan idi. Bügün amérika déngiz eskerliri we tik uchar ayropilanliri pakistan'gha yardemge yétip kelgen. Buningdin sirt amérika pakistan'gha 71 milyon dollar jiddiy qutquzush puli bérish üstide wede qilghan.

Pakistanda yüz bergen kelkün apitide 1600 din artuq kishi ölgen, 14 milyon kishi apetning ziyinigha uchrighan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.