پاكىستاندا سۇ ئاپىتىگە ئۇچرىغان خەلقتە يۇقۇملۇق كېسەللىك كۆپىيىۋاتىدۇ

ئامېرىكا ئاۋازىنىڭ بايان قىلىشىچە، پاكىستان رەھبەرلىرى سۇ ئاپىتىگە ئۇچرىغان ئادەم سانىنى 20 مىليون دەپ مۆلچەرلىمەكتە. خۇددى پاكىستان پرېزىدېنتى زەردارى ئېيتقاندەك، پاكىستاننىڭ بۇ قېتىمقى سۇ ئاپىتىدىن قۇتۇلۇپ ئەسلىگە كېلىشى ئۈچۈن ئۇزۇن يىللار كېتىشى مۇمكىن.

پاكىستان باش مىنىستىرى جىلانىنىڭ ئېيتىشىچە، بۇ قېتىمقى سۇ ئاپىتىدە 200 دىن ئارتۇق داۋالاش ئورۇنلىرى ۋەيران بولدى، ھازىر 35 مىڭ دوختور، سېستىرانىڭ قۇتقۇزۇشنى يولغا قويىدىغان تورار جايى يوق.

ب د ت ئىنسانپەرۋەرلىك ياردەم ئورگىنىنىڭ باياناتچىسى ۋىنستوننىڭ ئېيتىشىچە، بىر مىليون سەككىز يۈز مىڭ ئادەمگە دورا تارقىتىپ بېرىلدى، ھازىر يۇقۇملۇق كېسەل كۆپىيىۋاتىدۇ. ھازىر ئاز دېگەندە يەنە 5 مىليون ئادەم ئۈچۈن ئۆزىنى دالدىغا ئالىدىغان چېدىر كېرەك.