Пакистандики йемәк- ичмәк тарқитиш мәркизидики партлашта 45 адәм өлди

Франсийә агентлиқиниң хәвәр қилишичә, пакистанниң шималидики банҗур вилайитидә шәнбә күни өзини өлтүрүвелиш характерлик бомба һуҗуми йүз берип, аз дегәндә 45 адәм өлгән. Вәқә йүз бәргән җай пакистанниң қәбилиләр райони болуп һесаблиниду.
Мухбиримиз үмидвар
2010.12.26

Америка авазиниң хәвәр қилишичә, 100 дин артуқ адәм яриланған, вәқәгә учриғанлар арисида балиларму бар. Мәзкур җай талибанларға қарши қәбилиләр райони болуп, бу йәрдики аһалиләр талибанға қарши күрәшләрни қоллиған икән.

Хәвәрдә ейтилишичә, өзини ориған бир аял дуня ашлиқ программисиниң бир йемәк-ичмәк тарқитидиған мәркизигә берип, алди билән у йәргә бир қол бомбиси ташлиған, арқидин адәмләр топи арисиға кирип, өзини партлатқан.

 Америка президенти барак обама, афғанистан президенти һамид карзай һәмдә бдт баш катипи банкимон қатарлиқлар бу қилмишни әйиблиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.