Pakistan swat wadisida talibanlargha dawamliq zerbe bermekte

Yekshenbe küni pakistan qoralliq küchliri swas wadisidiki taliban küchlirige qaratqan herbiy herikitini kücheytken bolup, talibanlar igiligen bir qanche nuqtilargha yürüsh qilghan. Yekshenbe küni bir qanche neper taliban qoralliq adimi pakistan armiyisi teripdin öltürülgen. Pakistan hawa armiyisining hujumida az dégende 13 adem ölgen.
Muxbirimiz ümidwar
2009-05-24
Share

Pakistan hökümiti xelq'ara jemiyetning teshebbuslirini qobul qilip, talibanlarning swas rayonidiki bazilirigha hujum bashlighandin béri texminen 1000 din artuq taliban jengchisini öltürgenlikini bildürgen. Biraq bu toqunushlar netijiside ikki milyon etrapida adem weyranchiliqqa uchrap, öz jaylirini tashlashqa we musapirlar lagirlirida turushqa mejbur bolghanliqi xewer qilinmaqta.

Pakistan terep chet'el muxbirlirining bu rayonni ziyaret qilishigha yol qoyghan bolup, amérika awazining xewer qilishiche, bu jaydiki pakistan herbiy qomandanliri swastika talibanlarni üzül - késil yoqatmighiche urushni toxtatmaydighanliqini shuningdek, urush toxtitish teleplirinimu qobul qilmaydighanliqini tekitligen.

Swas wadisi talibanlar teripidin kontrol qilin'ghan bolup, bu qétim pakistan hökümiti zor bedel we ahalilarning xaniweyran bolushigha qarimay, talibanlarni toluq meghlup qilish üchün heriket qilmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet