پاكىستان ئارمىيىسى 12 - ئايغىچە تالىبانلارنى قوغلايدىغانلىقىنى بىلدۈردى

ئامېرىكا ئاۋازىنىڭ خەۋەر قىلىشىچە، پاكىستان تاشقى ئىشلار مىنىستىرى كۇرەشى پاكىستان قوشۇنلىرىنىڭ جەنۇبىي ۋەزىرىستاندا ئېلىپ بېرىۋاتقان ھەربىي ھەرىكەتلىرىنىڭ ئوڭۇشلۇق بولۇۋاتقانلىقىنى، بۇ يىل 12 - ئايغىچە قالدۇق تالىبان كۈچلىرىنى ئافغانىستان - پاكىستان چېگرىسىدىكى جايلاردىن قوغلاپ چىقىرىدىغانلىقىنى تەكىتلىگەن.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2009-11-01
Share

پاكىستان ھەربىي تەرەپ ئۆزلىرىنىڭ ئۆتكەن بىر سوتكىدا 24 نەپەر تالىباننى ئۆلتۈرگەنلىكى ۋە ئىككى پاكىستان ئەسكىرىنىڭ ئۆلگەنلىكىنى مەلۇم قىلغان. ئۇلار يەنە، ئۆزبېك قوراللىق گۇرۇپپلىرىنى ئاساس قىلغان تالىبان ئىستىھكاملىرىنى ئىگىلىگەنلىكىنى خەۋەر قىلغان.

بىراق پاكىستان تەرەپ ئۇرۇش باشلىغاندىن تارتىپ، مۇخبىرلارنىڭ جەڭ بولۇۋاتقان يەرلەرگە كېلىشىنى چەكلىگەن. بۇنداق ئەھۋال ئاستىدا پاكىستان ھۆكۈمەت ۋە ھەربىي تەرەپنىڭ مەلۇماتلىرىنىڭ ئىشەنچىلىك دەرىجىسى تۆۋەن بولغان.

ئالدىنقى ھەپتىلەردە ئۆزبېكىستان ئىسلام ھەرىكىتى تەشكىلاتىنىڭ باشلىقى تاھىر يولداشنىڭ ئۆلتۈرۈلگەنلىكى خەۋەر قىلىنغان بولسىمۇ، بىراق بۇ يەنىلا گۇمان قوزغىغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت