Пакистандики кәлкүн апитидә 4 йерим милйон киши апәтниң тәсиригә учриди

Пакистанниң ғәрбий шималида йүз бәргән еғир кәлкүн апити дәряларниң тешиши билән пакистанниң җәнубий районлириғиму тәсир көрситишкә башлиди. Һазирғичә 4 йерим милйон киши апәт районлиридин көчүрүлди.
Мухбиримиз ирадә
2010-08-06
Share

Б б с'ниң хәвәр қилишичә, бу кейинки 100 йилдин бери пакистанда көрүлгән әң зор бир қетимлиқ кәлкүн апити болуп, 1500 киши һаятидин айрилған, биналар, көврүкләр өрүлүп чүшкән. Йол вә етизлар су астида қалған.

Мәлум болушичә, дәря сулириниң өрлиши сәвәблик кәлкүн пакистанниң җәнубидики пәнҗаб вә синд қатарлиқ районлириғиму тәһдит қилишқа башлиған. Пәнҗабтики индус дәряси тохтимай ямғур яғқанлиқтин өрләп, етизлар су астида қалған, миңларчә киши өйидин айрилишқа мәҗбур болған. Синдтики 350 миң киши башқа җайларға йөткәлгән.

Игилинишичә, пакистанниң ғәрбий шималидики кәлкүн еғир кәлгән районларниң қатнаш, учур алақә вастилири пүтүнләй үзүлүп қалған болуп, пакистанға ярдәмгә кәлгән қутқузуш өмәклири һавадин қутқузуш хизмәтлирини елип бармақта икән.

Пакистанда қутқузушқа қатнишиватқан америка тик учар айрупиланлири һазирғичә пакистанға 30 тонна қутқузуш буюми тошуған вә 800 дин артуқ кишини бихәтәр җайларға йөткигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт