Пакистанда партлаш йүз бәрди

Пакистанниң ғәрбий шималидики сват вадисида йәкшәнбә күни өзини өлтүрүш характерлиқ бомба партлаш вәқәси йүз берип, аз дегәндә 14 адәм қаза қилған. Бирләшмә агентлиқиниң хәвәр қилишичә, бу партлаш сват вадисидики асаслиқ шәһәр мингорадики бир сақчи понкитида болған.
Мухбиримиз үмидвар
2009-08-31
Share

Әнгилийә б б с агентлиқиниң хәвиридә ейтилишичә, партлатқучи сақчи формиси кийип, мәзкур сақчи понкитида мәшиқ қиливатқан сақчиларниң йениға келип өзини қошуп партлатқан икән.

Сват вадиси талибанларниң асаслиқ базиси сүпитидә йеқинда пакистан армийисиниң һуҗумлириға учрап, бу йәрдики талибан қалдуқлири тазиланған болсиму, әмма, бир йерим милйондин артуқ адәмниң ханивәйран болуп, маканлирини ташлап кетишкә мәҗбур болғанлиқи хәвәр қилинған иди.

Бу арида америка тәрәп пакистанни қанунсиз һалда өзиниң башқурулидиған бомба техникисини өзгәртип ясап ишләткәнликини тәнқид қилған иди. Амма йәкшәнбә күни пакистан тәрәп америкиниң бу әйиблишини инкар қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт