Pakistandiki partlashta 100 din artuq kishi hayatidin ayrildi

Charshenbe küni pakistanning pishawer shehiride meydan'gha kelgen shiddetlik partlashta ölgenlerning sani 105 ke chiqti. Melum bolushiche, ölgenlerning köpi balilar we ayallar iken. Bu qétimliq partlashta yene 200 din artuq kishi yarilan'ghan.
Muxbirimiz irade
2009-10-29
Share

Bomba qachilan'ghan bir aptomobilning pishawerdiki bir bazarda partlishi bilen meydan'gha kelgen bu shiddetlik partlashta etraptiki binalarning pütünley örülüp chüshkenliki, yene nurghun binalargha ot ketkenliki melum bolmaqta.

Partlash meydan'gha kelgende amérika tashqi ishlar ministiri hillariy kilinton islam'abadta pakistan tashqi ishlar ministiri shah mahmud kureyish bilen körüshüwatqan idi. Uchrishishtin kéyinki ortaq axbarat élan qilish yighinida, amérika tashqi ishlar ministiri hillariy klinton bu partlitish weqesini qattiq eyiblidi we pakistanning térror bilen mujadilide yalghuz emeslikini tekitlidi.

Hillariy kilinton amérika hökümitining pakistan bilen yalghuz térrorgha qarshi küreshtila emes, her sahede hemkarlishidighanliqini bildürdi. U yene amérikining pakistanning asasiy quruülushigha we ma'arip - énérgiye sahelirigimu iqtisadiy yardem qilidighanliqini bayan qildi.

Pakistan armiyisi kéyinki künlerde jenubiy wéziristanda taliban küchlirige qarshi qattiq tazilash herikiti élip bériwatqan idi. Buning bilen birlikte pakistanda bu xildiki hujumlarning sani artqan idi.

Islam'abadtin 3 sa'et uzaqliqta bolghan pishawerda meydan'gha kelgen bu hujumni téxi héchqandaq teshkilat we shexis üstige almidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet