Pakistanda xitay inzhénér hem ishchilirini öltürüsh weqesi yüz berdi
Hindistan téz xewerliri gézitining 22 - noyabir küni xewer qilishiche, 22 - noyabir küni pakistanning gherbiy jenubi qismidiki bélochistan rayonida shu jayda qurulush élip bériwatqan xitay ishchilirigha rakéta bilen hujum qilish weqesi yüz bergen. Weqede 2 xitay inzhénéri hem 3 xitay ishchisi partlap ölgen, 11 kishi yarilan'ghan.
Öz muxbirimiz méhriban
2011-11-22
Xewerde déyilishiche, pakistan da'iriliri bu hujumning pakistandiki xitaygha qarshi talibanlar teripidin élip bérilghanliqini ilgiri sürgen. Bügün chüshtin kéyindin bashlap bu xewer xelq'aradiki köpligen xewer agéntliqliri teripidin köchürüp tarqitildi.
Gérmaniyidiki Uyghur awazi tor békitimu bu xewerni köchürüp tarqatti. Uyghur awazi tor békitining xewiride bügün pakistanda yüz bergen xitay ishchilirigha hujum qilish weqesini, xitay hökümiti teripidin " Pakistanda xitaygha qarshi heriket qiliwatidu" dep eyiblinip kéliwatqan " Sherqiy türkistan islam teshkilati" ning talibanlar arisidiki ademliri sadir qilghan bolushi mumkinliki heqqidiki perezlerning otturigha qoyuluwatqanliqi ilgiri sürüldi.
