مەزكۇر مۇراسىمغا 22 كىشىلىك خىتاي ئۆمىكى قاتناشقان. ئىككى تەرەپ مەزكۇر ژۇرنال ئارقىلىق پاكسىتان - خىتاي خەلقلىرى ئارىسىدىكى ئۆز - ئارا مۇناسىۋەتنى ئىلگىرى سۈرۈشنى ئارزۇ قىلىدىغانلىقىنى بىلدۈرگەن.
ئۆتكەن يىلى مايدا ئوساما بىن لادىن پاكىستاندىكى تۇرالغۇسىدا ئامېرىكا ئالاھىدە قىسىملىرى تەرىپىدىن ئېتىپ ئۆلتۈرۈلگەندىن كېيىن، ئامېرىكا - پاكىستان مۇناسىۋەتلىرى يىرىكلەشكەن.
شۇندىن كېيىن پاكىستان خىتاينىڭ قوينىغا يەنە بىر قېتىم ئۆزىنى ئاتقان. ئەينى چاغدا زىيارىتىمىزنى قوبۇل قىلغان مۇتەخەسسىسلەر بۇنىڭ پاكىستاندىكى ئۇيغۇر پائالىيەتلىرىگە مەنپىي تەسىر كۆرسىتىدىغانلىقىنى ئىلگىرى سۈرگەن ئىدى.
دەرۋەقە، پاكىستان ھۆكۈمىتى پاكىستاندا پائالىيەت ئېلىپ بېرىۋاتقان «ئۆمەر ئۇيغۇر ۋەخپى» گە قارىتىلغان نازارەتنى كۈچەيتكەن ۋە ئۇلارنىڭ بەزى پائالىيەتلىرىگە چەك قويغان ئىدى.