Uyghurlarning diniy pa'aliyetliri cheklen'gen téximu köp pakitlar ashkarilanmaqta

Da'irilerning Uyghurlarning roza tutushini cheklewatqanliqigha da'ir téximu köp pakitlar ashkarilanmaqta.
Muxbirimiz méhriban
2012-07-31
Élxet
Pikir
Share
Print

Aqsu uchturpan nahiyisining hökümet tor békitide uchturpan nahiyisidiki medeniyet idarisi, tenterbiye idarisi hemde nahiyilik radi'o-téléwiziye idarisidiki partiye ezaliri we kadirlarning 10 maddiliq "Qanunsiz diniy pa'aliyetlerge qatnashmasliq ehdinamisi" ge qol qoyghanliqi heqqidiki xewer bésildi. Qeshqer torbétidimu, qeshqer enjan kochisi ahaliler komitétining 20-iyul (ramzanning 1-küni) "Ramzan mezgilidiki partiye ezaliri hem dem élishqa chiqqan kadirlar chay söhbiti" uyushturghanliqi xewer qilindi.

Dunya Uyghur qurultiyi bayanatchisi dilshat rishit teminligen uchurlardin melum bolushiche, jenubiy Uyghur élidiki bir qisim jaylarda da'iriler ramzan mezgilide mexsus dem élishqa chiqqan kadirlarni yoqlash pa'aliyiti namida, ularning öylirige méwe -chéwe qatarliq yémekliklerni élip bérip, ular bilen bu nersilerni hemdastixan olturup yéyish arqiliq ularning roza-tutqan tutmighanliqini tekshürgen.

Xitay hökümitining Uyghur, tibet qatarliq milletlerning diniy étiqadini cheklewatqanliqi mesilisi gherb démokratik döletliri diqqet qilip kéliwatqan mesililerning birige aylan'ghan bolup, amérika hökümiti 30-iyul küni élan qilghan 2012-yilliq diniy erkinlik doklatida xitaydiki diniy étiqad cheklimilirini qattiq tenqidligen idi.

Toluq bet