Gu'antanamodiki Uyghurlar pat yéqinda palawgha orunlishidu

Gu'antanamoda tutup turiliwatqan 13 Uyghurning bir qisimi tinch okyandiki aral döliti palawgha qobul qilinip, 1 - aydin burun bu döletke orunlashturulushi mumkin.
Muxbirimiz ümidwar
2009-08-09
Share

Bu uchurni palaw prézidénti johnson toribi'ong özi ashkarilighan bolup, uning shenbe küni metbu'atlargha bildürüshiche, gu'antanamodiki 13 Uyghurning 4 tin 9 ghiche bolghan qisimi kéler yili yanwardin burun palawgha yetküzilidiken, biraq, mezkur Uyghur tutqunlarning adwokati bolsa ularning belki awghustning axiri 9 - ayning beshida palawgha yetküzülüshi mumkinlikini eskertken.

Palaw prézidénti bu Uyghurlarning insanperwerlik nuqtisidin qobul qilin'ghanliqini, palawning amérika qoshma shtatliri bilen qoyuq munasiwiti barliqini tekitligen.

Gu'antanamodiki 17 Uyghurning töt nepiri nowette, atlantik okyandiki bérmuda dölitide turmaqta, yéqinda ularning ishqa orunlashqanliqi heqqidiki xewerler tarqalghan idi. Palaw prézidénti we hökümitining qalghan Uyghurlarni qobul qilishqa ehmiyet bériwatqanliqini ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet