Палавдики уйғурлар америкидин өзлириниң бу җайда йәнә қанчилик туридиғанлиқини сориған

“японийә иқтисад хәвәрлири” дә елан қилинған мақалидә көрситилишичә, америка һөкүмити тәрипидин гуәнтанамодин қоюп берилип, тинч окяндики палав дөлитигә орунлаштурулған 6 нәпәр уйғур өзлириниң бу йәрдә йәнә қанчилик вақит туридиғанлиқи һәққидә америка һөкүмитидин сориған.
Мухбиримиз үмидвар
2012.11.04

Уларниң бири японийиниң кйото агентлиқиға елхәт арқилиқ бәргән җавабида, “биз бу йәрдә йәнә қанчилик узун вақитлиқ туридиғанлиқимизни билмәкчимиз, бирақ бу һәқтә һечқандақ җаваб йоқ һәм һечкимму җаваб берәлмәйду” дәп язған.

Мәзкур уйғур йәнә өзлириниң башқа дөләткә кетип яшаш һәққидики тәлипиниң әмәлгә ашмиғанлиқини билдүргән.

“японийә иқтисадий хәвәрлири” ниң йезишичә, 3-айда америка дөләт ишлири министирлиқиниң баянатчиси елхәт арқилиқ кийото хәвәрлири агентлиқиға, америкиниң бу уйғурларниң даимлиқ туруши үчүн орун тепишқа тиришиватқанлиқи, әмма, буниң үчүн ениқ вақит мөһлити берилмигәнликини әскәрткән.

Палавдики бу уйғурларниң орунлаштурулуши баштила вақитлиқ икәнлики ениқ болуп, һәтта палав президенти җонсон торибоңму уларниң бу йәрдә турушиниң вақитлиқ икәнликини тәкитлигән.

Гуәнтанамодики 22 уйғурниң хели көп қисми албанийә, бермуда, шветсарийә, палав вә әл-салвадор қатарлиқ дөләтләргә орунлаштурулди. Әмма, хитайниң уларни қайтуруп бериш тәлипи изчил болсиму, бирақ бу арзуси әмәлгә ашмиған болуп, америка тәрәп хитайниң уларни қайтуруп бериш тәлипини рәт қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.