Palaw prézidénti güentanamodiki qalghan 5 Uyghurnimu qobul qilishni xalaydighanliqini bildürdi

Palaw prézidénti Johnson Toribong tünügün muxbirlargha qilghan sözide gu'entanamoda qépqalghan 5 neper Uyghur mehbusnimu palawgha qobul qilishni xalaydighanliqini bildürgen.
Muxbirimiz shohret hoshur
2010-02-09
Share

Palaw ötken yili 11 - ayda adil nuri, eli muhemmed, abdughappar qatarliq 6 neper Uyghurni qobul qilghan idi. Bu qétim shwétsariye 2 neper Uyghurni qobul qilghanliqini élan qilghandin kéyin, gu'entanamoda yene 5 neper Uyghurning mesilisi hel qilinishni kütüp turmaqta idi.

Palaw prézidéntining bundin awwalqi bir qanche qétimliq sözliridin melum bolushiche, palawgha waqitliq orunlashqan 6 neper Uyghur, etrapida yaxshi tesir peyda qilghan. Ular yéngi qobul qilin'ghanda, palawning siyaset sehniside otturigha chiqqan bir qisim öktichi pikirlermu tézdin bésiqqan.

Palaw prézidénti tünügün muxbirlargha qilghan sözide, palawdiki Uyghurlargha hazirghiche 3 - bir dölettin qobul qilish heqqide teklip kelmigenlikini, emma bu Uyghurlarning palawda özliri xalighan'gha qeder uzun waqit turalaydighanliqini bildürgen.

Palaw asasiy qanuni köchmenlerning wetendash bolushigha yol qoymaydighanliqi üchün, palawgha Uyghurlar waqitliq orunlashturulghan. Güentanamo türmisi taqilip bolghandin kéyin, amérika hökümitining palawdiki Uyghurlarni üchinchi bir döletke menggülük olturaqlishish üchün orunlashturushi kütülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet