Палав мәзкур дөләттики 6 уйғурни австиралийигә мәңгүлүк орунлаштурушни тәләп қилди

Палав президенти җонсон торбийоң австиралийидин палавдики 6 нәпәр уйғурни австиралийигә мәңгүлүк орунлаштурушни тәләп қилди. Палавдики уйғурлар өткән йили гүәнтанамодин қоюп берилип, тинч окяндики бу арал дөлитигә вақитлиқ орунлаштурулған иди.
Мухбиримиз әркин
2010-06-04
Share

Торбийоң австралийә радиосиға баянат берип, "мән австралийиниң уларни қобул қилишини үмид қилимән" дегән. Торбийоң йәнә палав уларниң әркинликкә чиқишидики бир бәлдәм болуп, мәслә уларниң ялғуз әркинликкә чиқишила әмәс, бәлки һәммә адәм бәһриман болуватқан әркин һаяттин бәһриман болуш мәсилиси икәнликини билдүргән.

Палавдики уйғурлардин әдһәм нәби австиралийилик икки балиси бар бир уйғур ханим билән той қилған болуп, бу ханимниң бурунқи йолдиши қатнаш вәқәсидә қаза қилип кәткән иди.

Президент торбийоң австралийә радиосиға бәргән баянатида, уларни немә үчүн австиралийигә мәңгүлүк орунлаштуруш керәкликини чүшәндүрүп, "улар бу йәрдә әркинликкә еришти, лекин биздә уйғур җамаәтчилики йоқ. Сизму билгәндәк, җисманий әркинлик йетәрлик әмәс. Чоқум иҗтимаий мунасивәтму болуши керәк" дегән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт