Palaw mezkur dölettiki 6 Uyghurni awstiraliyige menggülük orunlashturushni telep qildi

Palaw prézidénti jonson torbiyong awstiraliyidin palawdiki 6 neper Uyghurni awstiraliyige menggülük orunlashturushni telep qildi. Palawdiki Uyghurlar ötken yili güentanamodin qoyup bérilip, tinch okyandiki bu aral dölitige waqitliq orunlashturulghan idi.
Muxbirimiz erkin
2010-06-04
Share

Torbiyong awstraliye radi'osigha bayanat bérip, "men awstraliyining ularni qobul qilishini ümid qilimen" dégen. Torbiyong yene palaw ularning erkinlikke chiqishidiki bir beldem bolup, mesle ularning yalghuz erkinlikke chiqishila emes, belki hemme adem behriman boluwatqan erkin hayattin behriman bolush mesilisi ikenlikini bildürgen.

Palawdiki Uyghurlardin edhem nebi awstiraliyilik ikki balisi bar bir Uyghur xanim bilen toy qilghan bolup, bu xanimning burunqi yoldishi qatnash weqeside qaza qilip ketken idi.

Prézidént torbiyong awstraliye radi'osigha bergen bayanatida, ularni néme üchün awstiraliyige menggülük orunlashturush kéreklikini chüshendürüp, "ular bu yerde erkinlikke érishti, lékin bizde Uyghur jama'etchiliki yoq. Sizmu bilgendek, jismaniy erkinlik yéterlik emes. Choqum ijtima'iy munasiwetmu bolushi kérek" dégen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet