Palawgha yerleshtürülgen Uyghurlar bashqa döletlerge kétishni oylashmaqta

Fransiye agéntliqida neqil qilishiche, adil nuri "biz prézidént jonson torib'ongdin palawdin kétishimizge yardem telep qiliwatimiz. Biz bu yerdin chiqip kétishni arzu qilimiz. Uning bizge yardem qilishini ümid qilimiz" dégen.

Melum bolushiche, palawgha yerleshtürülgen 6 Uyghurning bir nechchisi yéqinda öylen'gen. Bularning ichide edhem memet awstraliyide turuwatqan bir Uyghur ayal bilen toy qilghan. Mezkur ayalning ikki balisi bar bolup, ilgiriki yoldishi sugha chöküp kétip qaza qilghan iken.

Uningdin bashqa, abdulghappar abduraxman ötken hepte palawgha mexsus uning bilen toy qilishqa kelgen yene bir Uyghur ayal bilen toy qilghan.

Bu alte Uyghurning palawgha kelginige 7 ay bolup qaldi. Ular bashqa döletlerge kétishni oylishiwatqan bolsimu, palaw jumhuriyitining özlirini qobul qilghanliqidin yenila bek minnetdar ikenlikini bildürgen.

Palaw jumhuriyiti ularni peqet waqitliq makan bilen teminlesh sherti bilen qobul qilghan idi.

Xewerde körsitishiche, hazir bu Uyghurlar palawda künige 6 sa'ettin heptisige besh kün in'glizche ögenmekte iken.