Palawning gu'entanamodiki Uyghurlarni qobul qilghanliq sewebidin xitay palawgha qaratqan yardemni toxtatqan

Birleshme agéntliqning 19-iyuldiki xewiridin melum bolushiche, xitay palawning, 2009-yili 11-ayda gwentanamodiki 6 neper Uyghurni qobul qilghanliqi sewebidin, palawgha qaratqan yardemni toxtatqan.
Muxbirimiz méhriban
2011.07.19

Palaw tinch okyandiki 20 ming nopusqa ige aral döliti bolup, dölet kirimining köp qismi sayahetchiliktin kélidu. Palaw prézidénti torib'ongning bildürüshiche, gwentanamodiki Uyghurlar palawgha orunlashturulushtin ilgiri xitay hökümiti palawda 100 éghizliq 5 yultuzluq méhmanxana qurulushigha meblegh salghan bolup, 2009-yili palaw gwentanamodiki amérika hökümiti teripidin “Gunahsiz” dep höküm chiqirilghan Uyghurlarning palawgha orunlashturulushini qarshi alidighanliqini bildürgendin kéyin, xitay hökümiti palawning bu Uyghurlarni qobul qilishigha qarshi turghan.

2009-Yili 11-ayda 6 neper Uyghur palawgha orunlashqandin kéyin, xitay palawda élip bériliwatqan méhmanxana qurulushini toxtitish bilen bille palawgha qaritilghan barliq iqtisadiy mebleghnimu toxtatqan.

2001-Yilidin buyan 22 neper Uyghur gu'entanamogha qamalghan bolup, kéyin bu Uyghurlar “Gunahsiz” dep aqlan'ghan we xitay hökümitining ularni qayturuwélish telipi ret qilip, ular dunyaning herqaysi jayliridiki döletlerge orunlashturulushqa bashlighan.

Hazir bu Uyghurlardin 17 nepiri bashqa döletlerge orunlashturulup bolghan bolup, yene 5 nepiri orunlashturushni saqlap turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.