Намратларни йөләш ишханиси мудири 180 миң сом пулни йәп кәтти

Болупму 2010-йили 5- айда ечилған аталмиш шинҗаң хизмәт йиғинидин кейин, уйғур елиниң хитайниң 19 өлкә,шәһиригә тәқсим қилинип, районға хитай ширкәтлири йәрләшкәндин кейин, уйғур елидики хитай әмәлдарлириниң парихорлуқ, чириклик қилмишлири мәтбуатларниң қизиқ нуқтисиға айланди.

Хитай қанун ториниң хәвиридин ашкарилинишичә, уйғур аптоном районлуқ намратларни йөләш ишханисиниң җаң фамилилик мудириниң намратлар үчүн ианә қилинған 180 миң сом пулни хиянәт қилғанлиқи ашкарилинип, у 5-декабир күни 10 йиллиқ қамақ җазасиға һөкүм қилинған.

2010-Йилдин буян уйғур елидики хитай һөкүмити тәрипидин тәйинләнгән әмәлдарларниң парихорлуқ, чириклик қилмишлири барғанчә еғирлашқан. Уйғур елидики әң чоң парихор әмәлдар дәп тәрипләнгән ваң лечүәнниң йеқини, ғулҗа шәһириниң сабиқ партком секретари җав бавхуа бу йил 7-ай мәзгилидә 34.65 Милйон сом қиммитидики парихорлуқ җинайити билән әйиблинип, 2 йил кечиктүрүп өлүм җазасиға һөкүм қилинған. Униң ду фамилилик ашнисиму 21 милйон сом қиммитидики парихорлуқ қилмиши сәвәблик 15 йиллиқ қамақ җазасиға һөкүм қилинған иди.