Namratlarni yölesh ishxanisi mudiri 180 ming som pulni yep ketti

Bolupmu 2010-yili 5- ayda échilghan atalmish shinjang xizmet yighinidin kéyin, Uyghur élining xitayning 19 ölke,shehirige teqsim qilinip, rayon'gha xitay shirketliri yerleshkendin kéyin, Uyghur élidiki xitay emeldarlirining parixorluq, chiriklik qilmishliri metbu'atlarning qiziq nuqtisigha aylandi.

Xitay qanun torining xewiridin ashkarilinishiche, Uyghur aptonom rayonluq namratlarni yölesh ishxanisining jang famililik mudirining namratlar üchün i'ane qilin'ghan 180 ming som pulni xiyanet qilghanliqi ashkarilinip, u 5-dékabir küni 10 yilliq qamaq jazasigha höküm qilin'ghan.

2010-Yildin buyan Uyghur élidiki xitay hökümiti teripidin teyinlen'gen emeldarlarning parixorluq, chiriklik qilmishliri barghanche éghirlashqan. Uyghur élidiki eng chong parixor emeldar dep teriplen'gen wang léchüenning yéqini, ghulja shehirining sabiq partkom sékrétari jaw bawxu'a bu yil 7-ay mezgilide 34.65 Milyon som qimmitidiki parixorluq jinayiti bilen eyiblinip, 2 yil kéchiktürüp ölüm jazasigha höküm qilin'ghan. Uning du famililik ashnisimu 21 milyon som qimmitidiki parixorluq qilmishi seweblik 15 yilliq qamaq jazasigha höküm qilin'ghan idi.