Gu'angdung ölkisi peyziwat nahiyisini jenubiy Uyghur diyari boyiche eng chong paxta bazisi qilmaqchi

Uyghur élining peyziwat nahiyisi gu'angdung ölkisining yardem bérish nishani qilip bérilgendin buyan mezkur ölke peyziwat nahiyiside bir qatar pa'aliyetlerni qilmaqta. Shinxu'aning xewirige asaslan'ghanda, yéqinda gu'angdung ölkisi peyziwat nahiyisining paxta térishqa qulayliq shara'itidin paydilinip, bu nahiyini özining paxta toqumichiliq sana'itidiki muhim xam eshya bazisigha aylandurush pilanini ijra qilishqa kirishken.
Muxbirimiz ümidwar
2010-10-03
Élxet
Pikir
Share
Print

Gu'angdung ölkisining eng chong ikki toqumichiliq shirkiti hésablinidighan "gu'angshing" tashqi soda cheklik shirketler guruhi we gu'angdung "süyxu'a" kiyim- kéchek we toqumichiliq cheklik shirkiti peyziwat nahiyisi bilen birliship, üch terepning hemkarliqida yiligha 200 ming tay yuqiri süpetlik paxta ishlep chiqirish we uni yötkesh merkizi qurushqa toxtamlashqan..

Mezkur pilan layihisige 650 milyon yüen meblegh sélinip, 3000 modin artuq yer ishlepchiqirish da'irisige kirgüzülgen. Deslepte 100 ming tay paxta teyyarlash pilani 2011 - yilidin bashlinidiken. Xewerde éytilishiche, gu'angdung ölkisi peyziwatta qurmaqchi bolghan mezkur baza jenubiy Uyghur diyaridiki eng chong paxtikarliq, tetqiq qilish we yötkesh merkizi bolup, gu'angdung ölkisining toqumichiliq sana'iti üchün paydiliq rol oynaydiken.

Bu ishni qilish üchün gu'angdung ölkisi besh qétim mutexessislerni qeshqerge ewetip, bu rayonning paxta térish alahidiliklirini tetqiq qilghan hemde axirida peyziwatni jenubiy Uyghur diyari boyiche eng chong paxtikarliq bazisi qilishni qarar qilghan iken.
Toluq bet