Палавдики уйғур: дәл хитай һөкүмитиниң өзи террорчи

Палавдики уйғурлардин адил нур японийә “кюдо” агентлиқиниң зияритини қобул қилип, террорчи уйғур милләтчилири болмастин, бәлки дәл хитай һөкүмитиниң өзи икәнликини билдүрди.
Мухбиримиз җүмә
2012.05.12

Адил нурниң бу сөзлири японийә учур васитилириниң һәммисидә дегүдәк көчүрүп бесилди. Бу хәвәр японийидә ечилиш алдида турған дуня уйғур қурултийиға тоғра кәлди.

Хитай ташқи ишлар баянатчиси хоң лей җүмә күни дуня уйғур қурултийини “хитайға қарши бөлгүнчи”, вә “террорчилар билән нурғун алақиси бар тәшкилат” дәп атиға иди.

Хөң лей бу сөзләрни японийиниң уйғур рәһбири рабийә қадирға виза бәргәнликигә қарши наразилиқини билдүргәндә оттуриға қойған.

Адил нур “кюдо” агентлиқиниң зиярити қобул қилип, хитай коммунистлириниң ана вәтинини 60 нәччә йил бурун бесивалғанлиқи вә шундин етибарән хәлқини бастуруп кәлгәнликини билдүргән.

Хәвәрдә нәқил қилинишичә адил нур мундақ дегән: вәтинимгә бастуруп кириң бир, игиләң икки, башқа милләтчи қериндашлиримизни олтуруң үч, ахирда йәнә бизни террорчи дәң? әлвәттә хитай террорчи-дә. Улар дөлитимизгә сирттин бастуруп кирди вә бу земин игиси болған бизләрни сиқип чиқарди.

Адил нур 2009-йили гвәнтанамодин қоюп берилип, палавға орунлаштурулған 6 уйғурниң бири. У шундин бери палавда яшимақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.