Palawdiki Uyghur: del xitay hökümitining özi térrorchi

Palawdiki Uyghurlardin adil nur yaponiye “Kyudo” agéntliqining ziyaritini qobul qilip, térrorchi Uyghur milletchiliri bolmastin, belki del xitay hökümitining özi ikenlikini bildürdi.
Muxbirimiz jüme
2012.05.12
Share on WhatsApp
Share on WhatsApp

Adil nurning bu sözliri yaponiye uchur wasitilirining hemmiside dégüdek köchürüp bésildi. Bu xewer yaponiyide échilish aldida turghan dunya Uyghur qurultiyigha toghra keldi.

Xitay tashqi ishlar bayanatchisi xong léy jüme küni dunya Uyghur qurultiyini “Xitaygha qarshi bölgünchi”, we “Térrorchilar bilen nurghun alaqisi bar teshkilat” dep atigha idi.

Xöng léy bu sözlerni yaponiyining Uyghur rehbiri rabiye qadirgha wiza bergenlikige qarshi naraziliqini bildürgende otturigha qoyghan.

Adil nur “Kyudo” agéntliqining ziyariti qobul qilip, xitay kommunistlirining ana wetinini 60 nechche yil burun bésiwalghanliqi we shundin étibaren xelqini basturup kelgenlikini bildürgen.

Xewerde neqil qilinishiche adil nur mundaq dégen: wetinimge basturup kiring bir, igileng ikki, bashqa milletchi qérindashlirimizni olturung üch, axirda yene bizni térrorchi deng? elwette xitay térrorchi-de. Ular dölitimizge sirttin basturup kirdi we bu zémin igisi bolghan bizlerni siqip chiqardi.

Adil nur 2009-yili gwentanamodin qoyup bérilip, palawgha orunlashturulghan 6 Uyghurning biri. U shundin béri palawda yashimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.