Б д т да пәләстинниң дөләтлик орни етирап қилинди

Пәләстин рәһбири аббас 29-ноябир пәйшәнбә күни нюйоркта ечилған бирләшкән дөләтләр тәшкилати йиғинида, пәләстинниң б д т ға әза болмиған назарәтчи дөләт болушқа сунған илтимасини қоллашни тәләп қилип доклат бәрди. Мәлум болушичә, аббасниң бу тәлипи б д т ға әза болған 193 дөләтниң 3 тән 2 қисминиң қошулуши билән пәләстинниң дөләтлик орни етирап қилинип, б д т ға назарәтчи дөләт болуш илтимаси қобул қилинған.

Явропа дөләтлиридин франсийә ташқи ишлар министири 27-ноябир күнидики йиғинда бу һәқтә пикир баян қилип, пәләстинниң мәзкур тәлипигә қоллап аваз беридиғанлиқини билдүргән иди.

Америка авазиниң бүгүнки хәвиридин мәлум болушичә, пәләстингә назарәтчи дөләт болуш салаһийити берилиши, гәрчә пәләстинниң б д т ға рәсмий әза болғанлиқидин дерәк бәрмисиму, әмма бу, пәләстингә хәлқара сот мәһкимисигә әрз суналайдиған шараитни яритип беридиғанлиқи үчүн бу илтимасқа исраилийә үзлүксиз қарши туруп кәлгән.