Isra'iliye ghezzege quruqluqtin hujum qozghidi

Bir heptidin buyan isra'iliye armiyisi ghezze rayonini keng kölemde topqa tutqandin kéyin, shenbe künidin étibaren piyade qisimlirini kirgüzüp, ghezze rayonini qorshawgha aldi.
Muxbirimiz ümidwar
2009-01-04
Share

B b s agéntliqining xewer qilishiche, isra'iliyining quruqluqta jeng qilghuchi qisimliri bilen xamas qoralliq küchliri arisida deslepki étishishlar yüz bergen bolup, xamas terep, 30 nechche isra'iliye eskirini yaridar qilghan, ular ikki neper isra'iliye eskirini esirge alghanliqini élan qilghan bolsimu, lékin isra'iliye terep öz eskirining esirge chüshkenlik xewirini étirap qilmidi. Isra'iliye terep toqunushta 50 neper xamas pidayisini öltürgenlikini élan qildi.

Shuning bilen bir waqitta yene isra'iliye ayropilanliri ghezzeni dawamliq bombardiman qilghan bolup, bombardiman qilishqa tanka qisimliri, déngiz armiye qisimlirimu ishtirak qilghan iken. Mezkur bombardimanda hazirgha qeder 470 pelestinlik hayatidin ayrilghan. Xamasning atqan rakétalirida bolsa 4 neper isra'iliyilik ölgen.

Weziyet nahayiti jiddiy tüs alghanliqi üchün yawropa ittipaqi, rusiye qatarliq döletler ikki terepni urush toxtitishqa ündeshni kücheytmekte.

Bu yil yawropa ittipaqining re'islik wezipisini zimmisige alghan chéx jumhuriyiti yawropa ittipaqining bir wekiller ömikini ottura sherqqe ewetken. Rusiye tashqi ishlar ministirlikimu pelestin mesilisige munasiwetlik wekilini ewetken.

Xitay tashqi ishlar ministirliki bolsa, ikki terepni urush toxtitishqa chaqirghan. B d t bash katipi isra'iliyini yer yüzidin hujum qilishini toxtitishqa chaqirghan bolup, b d t bixeterlik kéngishining 3 - yanwar achqan yighinidin xulase chiqmighan.

Misir prézidénti mubarek isra'iliyini derhal hujum qilishni toxtitishqa chaqirghan bolup, mubarek buni "tajawuzchiliq" dep eyibligen, i'ordaniye rehbirimu oxshash meydanda turup isra'iliyini eyiblidi.

I'ordaniye padishahi abdulla isra'iliyining tinchliqqa érishishining birdin bir usuli, pelestin xelqining musteqil dölet qurush hoquqni étirap qilishtur, dep körsetken. Lékin, rusiyining "newsru" torining xewer qilishiche, isra'iliye qoshunlirining tanka qisimliri kéche sewebidin xamasning mudapi'e liniyisige hujum qilishni waqitliq toxtitip qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet