Nensi pilosi xanim mawzédongning resimige dagh chüshürgen 3 kishini qarshi aldi

Buningdin 20 yil burun, mawzédongning resimige tuxum étip dagh chüshürgen 3 kishi tötinji iyon küni, amérika dölet mejlisi binasida, özlirining kommunist türmiside qattiq qéyin - qistaqqa élin'ghan, haqaretlen'gendimu, öz iradisini emelge ashurush üchün yashap qalghan kechürmishlirini sözlidi.
Muxbirimiz weli
2009.06.06

Amérika dölet mejlisi binasida ötküzülgen bu pa'aliyette, amérika parlamint bashliqi nensi pilosi xanim, kristofér simis, frank wolf qatarliq palamint ezaliri bilen bille, bu 3 kishini qarshi aldi. Buning jeryanini 'xitay uchur merkizi' nex meydandin widi'ogha élip xewer qildi.

Xewerde éytilishiche, 1989‏ - yili 5 ‏ - ayning 19 ‏ - küni xunendin yüjzhchang, yü dongyö, lu déchéng isimlik üch yash béyjingge kelgen. Ular 5 ‏ - ayning 23 ‏ - küni 'shexsiyge chuqunushni toxtitayli' dep yézilghan pilakatni kötürüp tyen'enmén meydanigha kérip, tyen'enmén'ge ésip qoyulghan mawzédng resimige, may buyaq qachilan'ghan tuxumlarni étip dagh chüshürgen. Oqughuchilar ularni saqchilargha tutup bergen. Xitay hökümiti shu yili 8 ‏ - ayda ularning birige muddetsiz, ikkinjsige 20 yilliq, üchinjisige 16 yilliq qamaq jazasi höküm qilghan. Ular ilgiri - kéyin bolup 1998‏ - yili, 2000‏ - yili we 2006 ‏ - yili türmidin chiqirilip nazaret astigha élin'ghan.

Amérikidiki lawgey fond jem'iyitining yardimi arqisida, 2004 ‏- yili kanada ularning birige siyasiy panaliq bergen, yene birige amérika tayland arqiliq siyasiy panaliq bergen. Amérika unungdin kéyin yene, muddetsiz qamaq jazasi birilgen yü jizhjen'ge 2008‏ - yili siyasiy panaliq bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.