Пәйзиваттин 50 нәпәр уйғур қизи шәндуңға йөткәлди

Шинхуа агентлиқиниң хәвәр қилишичә, өткән һәптә йәни 10 - сентәбир күни 50 нәпәр уйғур қизи пәйзиват наһийисидин шәндуң өлкисигә ишләмчиликкә йолға чиққан. Бу түркүмдики ишләмчиләр, шәндуңниң чиңдав шәһиридики корийиликләр мәбләғ салған бир завутқа қобул қилинған.
Мухбиримиз шоһрәт һошур
2009-09-15
Share

Хәвәрдә билдүрүлүшичә, пәйзиваттин қиз ишчиларни йөткәш 2006 ‏- йили башланған болуп, һазирға қәдәр 1000 дин артуқ ишчи мәзкур завутқа орунлаштурулған.

Хитай һөкүмити уйғур қизлирини хитай өлкилиригә йөткәшни изчил һалда ешинча әмгәк күчлирини ишқа орунлаштуруш дәп тәрипләп кәлмәктә. Уйғур паалийәтчлири болса буни, уйғур яшлирини миллий мәдәнийәт муһитидин айрип ташлаш, бу арқилиқ ассмилиятсийә қәдимини тезлитиш дәп әйибләп кәлмәктә.

Б д т кишилик һоқуқ комитетиниң бүгүнки баянатида, " әгәр һәр қандақ бир җәмийәттә оқуш йешидики бир бала бәдәл пулини төлийәлмәслик сәвәбидин оқушсиз қалса, һәр қандақ бир киши өз аилисидин айрилишқа мәҗбурланса, бу шу җәмийәттә кишиләрниң иқтисадий, иҗтимаий вә мәдәнийәт һоқуқиниң чәклимигә учриғанлиқиниң бир ипадиси," дәп көрситилгән.

Хитайниң уйғур қизлирини хитайға йөткәш сияситидә чиң туруши, алдинқи айларда йүз бәргән үрүмчи вәқәси вә  шавгүән вәқәсидин тоғра дәрс алмиғанлиқ дәп қаралмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт