Peyziwattin 50 neper Uyghur qizi shendunggha yötkeldi

Shinxu'a agéntliqining xewer qilishiche, ötken hepte yeni 10 - séntebir küni 50 neper Uyghur qizi peyziwat nahiyisidin shendung ölkisige ishlemchilikke yolgha chiqqan. Bu türkümdiki ishlemchiler, shendungning chingdaw shehiridiki koriyilikler meblegh salghan bir zawutqa qobul qilin'ghan.
Muxbirimiz shohret hoshur
2009-09-15
Share

Xewerde bildürülüshiche, peyziwattin qiz ishchilarni yötkesh 2006 ‏- yili bashlan'ghan bolup, hazirgha qeder 1000 din artuq ishchi mezkur zawutqa orunlashturulghan.

Xitay hökümiti Uyghur qizlirini xitay ölkilirige yötkeshni izchil halda éshincha emgek küchlirini ishqa orunlashturush dep teriplep kelmekte. Uyghur pa'aliyetchliri bolsa buni, Uyghur yashlirini milliy medeniyet muhitidin ayrip tashlash, bu arqiliq assmiliyatsiye qedimini tézlitish dep eyiblep kelmekte.

B d t kishilik hoquq komitétining bügünki bayanatida, " eger her qandaq bir jem'iyette oqush yéshidiki bir bala bedel pulini töliyelmeslik sewebidin oqushsiz qalsa, her qandaq bir kishi öz a'ilisidin ayrilishqa mejburlansa, bu shu jem'iyette kishilerning iqtisadiy, ijtima'iy we medeniyet hoquqining cheklimige uchrighanliqining bir ipadisi," dep körsitilgen.

Xitayning Uyghur qizlirini xitaygha yötkesh siyasitide ching turushi, aldinqi aylarda yüz bergen ürümchi weqesi we  shawgüen weqesidin toghra ders almighanliq dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet