Пичан наһийисидә көлими 300 квадрат километирға йетидиған зор көләмлик көмүрлүк байқалған

Йеқинда пичан наһийисидә зор көләмлик көмүрлүк байқалған болуп, "шинҗаң аманлиқ" торида хәвәр қилинишичә, мәзкур көмүрлүкниң омуми көлими 300 квадрат километирға йетидикән.
Мухбиримиз җүмә
2008-11-27
Елхәт
Пикир
Share
Принт

Хәвәрдә көрситилишичә, пичан наһийиси тәвәсидин байқалған бу көмүрлүкниң омуми көмүр записи 23 милярд тонна болуп 13 қатлам көмүр бәлвеғи бар болуп, бу көмүрлүкниң көмүр тәркибидә гуңгурт, фосфор вә күл миқдариниң төвән болуш алаһидиликигә игә икән.

Мәлум болушичә, хитайда 50 милйон тонна көмүр записиға игә көмүрлүк чоң көмүрлүк һесаблинидиған болуп, уйғур ели пичан наһийисидин байқалған мәзкур көврүкиниң көмүр записи бу өлчәмдин интайин зор дәриҗидә артуқ.

Дуня уйғур қурултийи баянатчиси дилшат решитниң билдүрүшичә, пичан наһийисидә йәнә уйғур или бойичә көлими бирқәдәр чоң болған тәбий газлиқ, нефитлик вә мәрмәр таш канлири бар болсиму, әмма бу байлиқлар бивастә һалда газ йөткәш турубилири вә қош релислиқ йүк пойизлири билән хитай өлкилиригә бивастә тошуп кетилидиған болғачқа йәрлик уйғурларға қилчиму мәнпәәт елип кәлмәйдикән.

Униң билдүрүшичә йәнә, хитай мунасивәтлик даирилириниң уйғур елиниң йәр асти байлиқлирини қалаймиқан ечип, тала - тараҗ қилиши нәтиҗисидә уйғур ели екологийиси еғир бузғунчилиққа учриған.

Дилшат решит бу һәқтики әндишисини ипадиләп: "бу нөвәт турпандин байқалған көмүрлүкму қалаймиқан ечилиш нәтиҗисидә турпанниң һаятлиқ мәнбәси болған йәр асти сүйини яки каризларниң су мәнбәсини булғиветиши мумкин. Әгәр шундақ болса пүтүн турпан вилайитидики нәччә милйон хәлқниң һаяти тәһдит астиға чүшүп қилиду. Ақивәттә бу инсанийәткә қилинған җинайәт шәкилләндүриду" деди.


Пикирләр (0)
Share
Толуқ бәт