خىتاي دائىرىلىرى پىچاندا خىتاي جەسەتلىرىنى ئالاھىدە ئۇسۇل بىلەن ساقلىماقتا

خىتاينىڭ ئۈرۈمچى تور بېتىدە بايان قىلىنىشىچە، پىچان ناھىيىسىنىڭ بەزى مەھەللىلىرىدىن چىڭ سۇلالىسى دەۋرىدىكى خىتاي جەسەتلىرى چىققان.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009-01-14
Share

خەۋەردە بۇ جەسەتلەرنى 'قۇتقۇزۇش خاراكتېرلىق قېزىش ئېلىپ بارغاندا تېپىلدى'، 'بۇنداق جەسەتلەر ھازىر ئالاھىدە ئۇسۇل بىلەن ساقلىنىۋاتىدۇ' دەپ تەسۋىرلىگەن. شۇنداقلا، بۇنداق جەسەتلەرنى ئاتاشتا 'قەدىمقى مۇمىيا' دېگەن ئاتالغۇنى قوللانغان.

خەۋەردىن مەلۇم بولۇشىچە، ھازىر پىچاندا ئالاھىدە ساقلىنىۋاتقان بۇنداق بېشىدا ئۆرۈمە چېچى ۋە بۇرۇتى بار جەسەتلەر چىڭ سۇلالىسى دەۋرىدىكى ۋەتەن قوغدىغۇچىلىرى دەپ قارالغان. بۇ خەۋەردە ئەگەر كۆرۈشنى خالىسىڭىز، يىل ئاخىرىدا كۆرگەزمە قىلىنىشى مۇمكىن' دەپ جامائەت پىكرى توپلاشقا تىرىشقان.

خىتاينىڭ 'شىنجاڭ خەۋەر تورى' مۇ، تۇرپاننىڭ كۆيۈك تاغ ئېتىگىدىكى مەھەللىلەردىن چىڭ سۇلالىسى دەۋرىدىكى خىتاي جەسەتلىرى چىققانلىقىنى خەۋەر قىلىش بىلەن بىرگە، يىپەك يولىدىكى 'تەبىئىي مۇزېيخانا ' دەپ ئاتالغان تۇرپان رايونىدا، ھازىر مەدەنىي يادىكارلىق ئەتكەسچىلىكى ئەۋج ئېلىپ كەتكەنلىكىنى، بۇنىڭغا دەرھال جىددىي تەدبىر قوللىنىپ، تېپىلغان 'مەدەنىي يادىكارلىقلارنى ئالاھىدە قوغداش - ساقلاش لازىملىقىنى تەكىتلىگەن.
 

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت