Uyghur élidiki xelq qurultiyi aptonom rayonluq nopus we pilanliq tughut nizamnamisi'ge özgertish kirgüzüshni qarar qildi

Uyghur élidiki xitay yerlik xelq qurultiyi 3 - iyun "aptonom rayonluq nopus we pilanliq tughut nizamnamisi" ge özgertish kirgüzüshni qarar qildi we "ürümchi shehirining öy ijarige bérishni bashqurush nizamnamisi" ni testiqlidi.
Muxbirimiz jume
2010-06-05
Share

Yuqiriqi qararlar 3 - iyun ürümchide yépilghan Uyghur aptonom rayoni 11 - nöwetlik xelq qurultiyi 18 yighinida maqullandi.

Shinxu'a agéntliqida körsitishiche, bu nöwetlik yighinda yene, Uyghur élide ilgiri chiqirilghan "qedimiy sheher kochiliri we tarixiy qurulushlarni qoghdash nizamini" toxtam we chégra bashqurushqa alaqidar qanunlirighimu tüzitish kirgüzüsh qatarliqlar maqullan'ghan.

Xitay hökümiti Uyghur élide pilanliq tughut siyasitini bir qeder qattiq yürgüzgen we bu heqte herxil belgilimilerni tüzüp chiqqan idi.

Xitay hökümiti Uyghur élige qaratqan pilanliq tughut qanunini 2002 - yili 1 - dékabir qayta tüzetken idi. Bu nöwet tüzütilidighan pilanliq tughut qanunigha qandaq shekilde özgertish élip bérilidighanliqi hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.