Yüz minggha yéqin adem polsha paytexti warshawada polsha prézidénti qatarliq 96 kishige matem tutti

Shenbe küni yüz minggha yéqin adem polsha paytexti warshawadiki pilsudski meydanigha yighilip yéqinda yüz bergen ayropilan qazasida ölgen polsha prézidénti qatarliq 96 kishige matem tuti.
Muxbirimiz jume
2010.04.17

Birleshme agéntliqida körsitishiche, matem tutquchilar polsha bayriqi we qara léntilarni kötürüshken bolup, meydan otturisigha yasalghan aq renglik sehnige qaza qilghan prézidént léch kazynskyning chongaytilghan süriti ésilghan iken.

Murasimda ayropilan qazasida ölgüchilerning isimliki ünlük oqulghan. Murasimgha sabiq prézidént léch walésa, bash ministir donald tusk, we nöwettiki muweqqet prézidént bronislaw komorowski qatarliqlar qatnashqan.

Melum bolushiche, 1940 - yili aprélda stalinning buyruqi bilen 20 ming neperdin artuq polsha ofétsirliri hazirqi rusiyining katyn ormanliqida qirip tashlan'ghan.

Otken shenbe küni polsha prézidénti léch kazynsky we uning a'ile tawabi'atliridin terkib tapqan 96 neper polsha emeldari katyn qirghinchiliqining 70 yilliqi üchün rusiyige bérish yolida ayropilan qazasigha yoluqqan idi.

Rusiye da'iriliri polsha prézidénti olturghan ayropilanning chüshüp kétish hadisisini tekshürüwatqanliqi, emma alahide netijige érishelmigenlikini bildürdi.

Melum bolushiche, ayropilan qazasigha uchrighanlarning depne murasimi yekshenbe küni ötküzülidiken. Murasimgha rusiye prézidénti dmitriy médwédéw we amérika prézidénti barak obamaningmu qatnishidighanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.