Шаңхәйдә йәр асти пойизи соқулуп кетип 270 йолучи яриланди

Хитай мәтбуатлириниң хәвәр қилишичә, шаңхәйдә сәйшәнбә күни,чүштин кейин саәт икки йерим әтрапида икки йәр асти пойизи соқулуп кәткән.
Мухбиримиз меһрибан
2011-09-27
Share

Хитай мәтбуатлири бу қетимқи һадисиниң бу йил 7-айда 40 адәмниң өлүшини кәлтүрүп чиқарған венҗу пойиз вәқәсигә охшашла, пойиз сигнал системисидики кашила сәвәбидин келип чиққанлиқини илгири сүрди.

Хитай даирилири һадисидә 260 йолучиниң яриланғанлиқини, әмма бу қетим еғир яриланғанлар аз болғанлиқини, һазирға қәдәр өлүп кәткәнләр йоқлуқини билдүрди.

Хәлқара мәтбуатлардин әнглийә б б с агентлиқиниң шаңхәйдин хәвәр қилишичә, вәқәдә яриланғанлар 270 тин ешип кәткән болуп, бир қисим йолучиларниң яриси еғир икән.

Бу йил 7-айда венҗуда йүз бәргән тез пойиз вәқәси хитай пуқралириниң һөкүмәткә болған наразилиқини күчәйткән иди.

Шу қетимлиқ вәқәдин кейин, хитай даирилири хәлқниң наразилиқини пәсәйтиш үчүн, вәқәниң йүз беришидә биваситә җавабкарлиқи бар дәп қаралған нәччә он әмәлдарни вәзиписидин елип ташлиған һәм төмүрйол системисида әвҗ еливатқан чириклик, парихорлуқ қилмишлириға зәрбә беридиғанлиқини җакарлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт