Shangxeyde yer asti poyizi soqulup kétip 270 yoluchi yarilandi

Xitay metbu'atlirining xewer qilishiche, shangxeyde seyshenbe küni,chüshtin kéyin sa'et ikki yérim etrapida ikki yer asti poyizi soqulup ketken.
Muxbirimiz méhriban
2011-09-27
Share

Xitay metbu'atliri bu qétimqi hadisining bu yil 7-ayda 40 ademning ölüshini keltürüp chiqarghan wénju poyiz weqesige oxshashla, poyiz signal sistémisidiki kashila sewebidin kélip chiqqanliqini ilgiri sürdi.

Xitay da'iriliri hadiside 260 yoluchining yarilan'ghanliqini, emma bu qétim éghir yarilan'ghanlar az bolghanliqini, hazirgha qeder ölüp ketkenler yoqluqini bildürdi.

Xelq'ara metbu'atlardin en'gliye b b s agéntliqining shangxeydin xewer qilishiche, weqede yarilan'ghanlar 270 tin éship ketken bolup, bir qisim yoluchilarning yarisi éghir iken.

Bu yil 7-ayda wénjuda yüz bergen téz poyiz weqesi xitay puqralirining hökümetke bolghan naraziliqini kücheytken idi.

Shu qétimliq weqedin kéyin, xitay da'iriliri xelqning naraziliqini peseytish üchün, weqening yüz bérishide biwasite jawabkarliqi bar dep qaralghan nechche on emeldarni wezipisidin élip tashlighan hem tömüryol sistémisida ewj éliwatqan chiriklik, parixorluq qilmishlirigha zerbe béridighanliqini jakarlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet