Хитай даирилири шаңхәйдики пойиз соқулуш вәқәсигә хата мәшғулатниң сәвәб болғанлиқини илгири сүрди

Бүгүн хитай даирилири шаңхәйдә йүз бәргән йәр асти пойиз соқулуп кетиш вәқәсигә алақидар 12 кишигә чарә көрүлгәнликини елан қилди.
Мухбиримиз ирадә
2011-10-06
Share

Франсийә агентлиқиниң хәвәр қилишичә, хитайниң һөкүмәт авази болған шинхуа агентлиқи бүгүн бу һәқтә хәвәр елан қилип, шаңхәйдики йәр асти пойиз соқулуш вәқәсигә техник амиллар әмәс, ишчиларниң хата мәшғулати сәвәб болған, дегән.

Әмма, шаңхәй йәр асти пойиз ширкити бу һәқтики баянатида, шу күни сигнал системисида хаталиқ келип чиқип, аптоматик башқуруш әмәлдин қалғанлиқтин ишчиларниң мәшғулати җәрянида хаталиқ садир болған, дегән. Шинхуа агентлиқи болса бу һәқтики хәвиридә, сигнал системисидики хаталиқни тилға алмиған.

Бу йил 6-айда венҗуда тез пойиз соқулуш вәқәси болуп, 40 тин ошуқ киши һаятидин айрилған иди. Аридин узун өтмәйла шаңхәйдиму охшаш вәқәниң йүз бериши хитайниң дуняда әң илғар техникиға игә дәп көккә көтүрүватқан юқири сүрәтлик пойиз техникисиға нисбәтән җиддий гуманларни пәйда қилған.

Униң үстигә һөкүмәт даирилириниң баштин-ахири венҗу вә шаңхәйдики вәқәләрдә очуқ мәлумат бәрмәй, вәқәниң салмиқини кичиклитишкә урунушиму хәлқниң наразилиқини қозғиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт