Xitay da'iriliri shangxeydiki poyiz soqulush weqesige xata meshghulatning seweb bolghanliqini ilgiri sürdi
Fransiye agéntliqining xewer qilishiche, xitayning hökümet awazi bolghan shinxu'a agéntliqi bügün bu heqte xewer élan qilip, shangxeydiki yer asti poyiz soqulush weqesige téxnik amillar emes, ishchilarning xata meshghulati seweb bolghan, dégen.
Emma, shangxey yer asti poyiz shirkiti bu heqtiki bayanatida, shu küni signal sistémisida xataliq kélip chiqip, aptomatik bashqurush emeldin qalghanliqtin ishchilarning meshghulati jeryanida xataliq sadir bolghan, dégen. Shinxu'a agéntliqi bolsa bu heqtiki xewiride, signal sistémisidiki xataliqni tilgha almighan.
Bu yil 6-ayda wénjuda téz poyiz soqulush weqesi bolup, 40 tin oshuq kishi hayatidin ayrilghan idi. Aridin uzun ötmeyla shangxeydimu oxshash weqening yüz bérishi xitayning dunyada eng ilghar téxnikigha ige dep kökke kötürüwatqan yuqiri sür'etlik poyiz téxnikisigha nisbeten jiddiy gumanlarni peyda qilghan.
Uning üstige hökümet da'irilirining bashtin-axiri wénju we shangxeydiki weqelerde ochuq melumat bermey, weqening salmiqini kichiklitishke urunushimu xelqning naraziliqini qozghighan idi.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- “Xitayning dölet halqighan basturush xewpi we buninggha qarshi amérikaning inkasi”
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- Doktor adriyan zénz gérmaniyediki Uyghur jama'iti teripidin qizghin alqishlandi
- Arfiye éri yaponiye siyasiy sehniside zor diqqet qozghimaqta
