Xelq'ara pul - mu'amile fondi jem'iyiti xitay pulining qimmitini ashurushni telep qildi

Xelq'ara pul - mu'amile fondi jem'iyiti re'isi düshenbe küni, xitay pulining qimmitini östürüshning zörürlükini ilgiri sürdi, netijide xitaygha bu jehette kéliwatqan bésimlar kücheydi.
Muxbirimiz jüme
2009-11-16
Share

Xelq'ara pul - mu'amile fondining re'isi stra'us kahnning bildürüshiche, xitay öz pulining qimmitini ashurup, xitaydiki istémalchilarning sétiwélish küchini ashursa, bu, dunya pul - mu'amile sahesidiki tengpungsizliqini azaytishqa paydiliq iken.
 
Stra'us kahn bu heqtiki pikirlerni béyjingda échiliwatqan pul - mu'amile muhakime yighinda otturigha qoydi. Uning bu sözliri amérika prézidénti obama béyjinggha yétip kélip, xitay re'isi bilen körüshken peytlerge toghra keldi.
 
Amérika - xitay soda alaqiside, amérika terepte her yili qizil reqem körülüdu. Amérika sodigerliri xitay hökümitini öz pulining almashturush qimmitini qesten töwen tutush arqiliq, xitay mallirining tennerqini sün'iy halda töwenlitip, xelq'ara bazarda adaletsiz riqabet yaratti dep eyiblep kelgen idi.

Melum bolushiche, otken 3 yil jeryanida xitay pulining amérika dollirigha almashturush nisbiti 20 pirsent örligen bolsimu, bu xil örlesh 2008 - yilidin buyan toxtap qalghan.

Xitay pulining almashturush qimmiti mesilisi, amérika - xitay soda di'alogliridiki sezgür témilarning biri bolup, amérika da'irilirimu xitay tereptin xitay pulining qimmitini ashurushni köp qétim telep qilghan.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet