Ürümchide mekteplerning oqughuchilarni putbol musabiqisini körüshtin tosushi guman qozghidi

Melum bolushiche, ürümchi sheherlik tenterbiye idarisi tünügün ürümchide ötküzülgen döletlik b derijilikler 9-aylanma musabiqisi harpisida tamashibinlarning sanini azaytishqa tirishqan.
Muxbirimiz shöhret hoshur
2012.06.11

“Uyghurbiz” torining bügünki bu heqtiki xewiride bildürülüshiche, ürümchidiki bezi ottura mektepler oqughuchilirini shu meydan musabiqini körüshke barmasliqqa chaqirghan؛ bezi mekteplerde mektep derwazisigha qulup sélinip oqughuchilarning musabiqige bérishining aldini alghan.

Da'iriler bu xil cheklimini teshwiq qilghanda, oqughuchilarning bixeterlik mesilisini tilgha alghan bolsimu, bu, oqutquchi, oqughuchi we jem'iyettiki közetküchilerning ishenchige érishelmigen.

Kishiler bu cheklimining peqet Uyghurlarning köp sanda bir jaygha toplinishini muqimliqqa tehdit dep qarashtin yolgha qoyulghanliqini ilgiri sürgen. Xitay hökümiti yillardin béri, Uyghur yashlirining meshrep oynishini, toy-merikilerni katta ötküzüshini we chong meschitlerge toplinishini tosqan. Xitayning bu nöwet Uyghurlarni putbol musabiqisini tamasha qilishtinmu tosushi tunji yéqimliqtur.

“Uyghurbiz” torining xewiridin ashkarilishiche, cheklimige qarimastin, mezkur musabiqini körgüchilerning sani 50mingdin éship, xitay boyiche yene yéngi rékort yaritilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.