Қағилиқта йүз бәргән қанлиқ тоқунуш хәлқараниң диққитини қозғаватқан йәнә бир сәзгүр вәқә болуп қалди

Түнүгүн қағилиқ наһийисидә қанлиқ вәқә йүз бәргән иди. Худди б б с баян қилғандәк, гәрчә хитай икки чоң йиғини бейҗиңда ечилиш алдида туруватқанда, бу вәқәни йошурушқа яки кичиклитип көрситишкә тиришқан болсиму, әмма вәқә һазир, дунядики учур васитилириниң көпинчиси җиддий ениқлаватқан сәзгүр мәсилигә айланди.
Мухбиримиз вәли
2012.02.29
Share on WhatsApp
Share on WhatsApp

Бирләшмә агентлиқиниң бүгүн бейҗиңдин баян қилишичә, хитай өз территорийиси дәп атап келиватқан мусулман уйғурлар районида түнүгүн йүз бәргән қанлиқ вәқәни, уйғурларниң дөләт пуқралириға қилған һуҗуми дәп җакарлиди. Әмма муһаҗирәттики уйғур гуруппилар бу вәқәни, хитайниң қораллиқ хадимлириға қаритилған һуҗум дәп җакарлиди.

Буниңға хитай һөкүмитиниң уйғур юртлириға хитай көчмәнлирини әкелип, йәрлик уйғурларниң миллий кимликини йоқ қилидиған сиясий һәрикәт елип бериватқанлиқини дәлил қилип көрсәтти.

Дуня уйғур қурултийиниң баянатчиси дилшат ришитниң баян қилишичә, түнүгүн қағилиқта йүз бәргән қанлиқ тоқунушта, хитай һөкүмити 9 уйғурни етип өлтүрди, оқ тәгкән бир уйғур дохтурханида өлди, буниңдин башқа йәнә11 уйғурни оқ билән яриландурди. Бу қанлиқ тоқунушта хитайниң қораллиқ хадимлиридин аз дегәндә 7 адәм өлди. Хитай һөкүмити һазир бу наһийидә уйғурларни тутқун қилидиған кәң көләмлик һәрбий һәрикәт елип бериватиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.