Xitayning qanunsiz yaghach matériyalliri sodisi afriqa we asiya ormanlirini weyran qilmaqta
2012.11.29
Merkizi londondiki tebi'iy muhitni qoghdash orginining 29-noyabir charshenbe künidiki doklatida körsitilishiche, xitayning yéqinqi yillardin buyanqi qanunsiz yaghach matériyalliri importi sewebidin asiya we afriqidiki tebi'iy ormanliq belwaghliri éghir derijide weyranchiliqqa uchrighan.
Xitaydiki yaghach matériyalliri pishshiqlap ishlesh shirketliri asasen importqa tayinip qalghan bolup, xitay shirketlirining yilliq qanunsiz yaghach matériyalliri importi 4 milyard dollargha yetken bolup, xitayning birma, la'us,kambodzha,tayland, papu'a yéngi giwiniyisi qatarliq döletlerdin qanunsiz yollar bilen kirgüzgen yaghach matériyalliri bu rayonlardiki yamghurluq rayon orman belwaghlirini weyran qilishqa yüzlendürgen.
En'gliye b b s agéntliqining bügünki xewiride déyilishiche, muhit qoghdash orginining mes'uli do'érdi xanim xitaydin, qanunsiz yaghach matériyalliri sodisi heqqide xelq'aragha jawab bérish bilen birlikte, amérika, yawropa ittipaqi hem awstraliye qatarliq döletlerge oxshash qattiq tedbir qollinip, yaghach etkeschilikige zerbe bérishni telep qilghan.
Köp körülgen xewerler
RFA
- “Uyghur” namini özgertish némige zörür bolup qaldi?
- Awstraliye tetqiqatchiliri xitay bilen hemkarliship Uyghurlarning DNA si üstidin tetqiqat élip barghan
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Qazaqistandiki Uyghur mektepliri yéngi oqush yilini bashlidi
- Xitay néme sewebtin aral shehiride yéngidin “Kespiy terbiyelesh bazisi” qurdi?