Тәйвәнниң “қара боран” намлиқ башқурулидиған бомбиси хитайға тоғриланди

Тәйвән йеқинда “қара боран 2 ә” типлиқ башқурулидиған бомба лайиһисини тамамлиған вә буни хитайға қаритип орунлаштуруп актип һаләткә кәлтүргән.
Мухбиримиз шөһрәт һошур
2012.05.28

Мәлум болушичә мәзкур бомба 500километир узақлиқтики нишанға зәрбә бериш иқтидариға игә болуп, бу хитайниң шәрқи җәнубидики өлкилирини қариға елиқлиқ икән. Франсийә ахбарат агентлиқиниң бүгүнки бу һәқтики хәвиридә билдүрүшичә, тәйвән һәрбий даирилири мәзкур башқурулидиған бомбиси һәққидә пикир баян қилишни рәт қилған.

Әмма тәйвәнниң әркинлик вақти гезити, нами тилға елинмиған бир һәрбий органға тайинип туруп, 100 қара боран типлиқ башқурулидиған бомбиниң хитайға қаритип орунлаштурулғанлиқини ашкарилиған. Йәнә тәйвәнниң асийәатенч окян муадапиә журнили мәзкур һәрбий әслиһә үчүн бир милярд 200 милйон доллар хираҗәт қилинғанлиқини ашкарилиған.

Журналда пикир баян қилған бир һәрбий мутәхәссис мәзкур бомбиларниң, икки тәрәп арисида уруш йүз бәргән әһвалда, хитайниң шәрқий җәнуби өлкилиридики айродромлар вә бир қисим муһим һәрбий базиларға зәрбә бериш қудритигә игә икәнликини билдүргән. Йәнә хәвәрләрдә билдүрүшичә, бу, тәйвәнниң тунҗи қетим хитайни ашкара нишанға елип башқурилиған бомба орунлаштурушидур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.