Teywenning “Qara boran” namliq bashqurulidighan bombisi xitaygha toghrilandi
2012.05.28
Melum bolushiche mezkur bomba 500kilométir uzaqliqtiki nishan'gha zerbe bérish iqtidarigha ige bolup, bu xitayning sherqi jenubidiki ölkilirini qarigha éliqliq iken. Fransiye axbarat agéntliqining bügünki bu heqtiki xewiride bildürüshiche, teywen herbiy da'iriliri mezkur bashqurulidighan bombisi heqqide pikir bayan qilishni ret qilghan.
Emma teywenning erkinlik waqti géziti, nami tilgha élinmighan bir herbiy organ'gha tayinip turup, 100 qara boran tipliq bashqurulidighan bombining xitaygha qaritip orunlashturulghanliqini ashkarilighan. Yene teywenning asiye'aténch okyan mu'adapi'e zhurnili mezkur herbiy eslihe üchün bir milyard 200 milyon dollar xirajet qilin'ghanliqini ashkarilighan.
Zhurnalda pikir bayan qilghan bir herbiy mutexessis mezkur bombilarning, ikki terep arisida urush yüz bergen ehwalda, xitayning sherqiy jenubi ölkiliridiki ayrodromlar we bir qisim muhim herbiy bazilargha zerbe bérish qudritige ige ikenlikini bildürgen. Yene xewerlerde bildürüshiche, bu, teywenning tunji qétim xitayni ashkara nishan'gha élip bashqurilighan bomba orunlashturushidur.