Qaramayda Uyghur, qazaq we tunggan ata-anilar naraziliq namayishi ötküzdi

12-Dékabir küni qaramay shehiride namayish yüz bergenliki xewer qilinmaqta. Uyghur biz torining qaramayliq bir tordashning intérnétqa yollighan uchurigha asaslinip xewer qilishiche, charshenbe küni etigen sa'et 9 etrapida qaramaydiki köpligen ata-anilar balilirining ishsizliqidin shikayet qilip namayish uyushturghan.
Muxbirimiz irade
2012.12.13

Ular namayishni sheherlik néfit shirkiti derwazisi aldida qilghan bolup, mezkur tordash intérnétqa yollighan uchurida, namayishchilarning pütünley Uyghur, qazaq we tunggan ata-anilar shundaqla ularning perzentliridin terkib tapqanliqini inkas qilghan. Namayishning shu küni kech kirgiche dawam qilghanliqi xewer qilinmaqta.

Kéyinki yillarda qaramay shehiride sirttin kelgen xitay köchmenler nahayiti téz sür'et bilen köpeygen bolup, qaramay da'iriliri hetta mekteplerde köchmenlerning balilirini oqutidighan oqutquchi yétishtürelmey qalghan idi.

Közetküchiler, xitay köchmenlerning köpiyishi bilen rayondiki Uyghur, qazaqqa oxshash bashqa milletlerning chetke qéqilip, naraziliqning küchiyiwatqanliqini bildürmekte.

Derweqe qaramay shehirining ismi yéqinqi yillardin buyan qaramaydiki mekteplerde Uyghur-xitay oqughuchilar arisida yüz bergen étnik toqunush we tayaq yégen Uyghur oqughuchilarning ata-anilirining namayishliri bilen köprek tilgha élinidighan bolup qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.